Khidki ke sirhanay se aati hai roshni, chhup chup ke jaise sitaray paani ki tarah is kamray mein ahista se beh rahay hon. sunehri raat. eik behen ko yaad ata hai usko bhai, eik beti ko ma, bachpan ki yaadein aur uski masoomiyat. phoolon ka sehra aur kahan yeh veeraniyan. kitni tanha hai woh, ghire huey logon ke darmeyan bhi koi nahin, aksar mehfil mein ghayab, woh toothti deewaron ko dekhti hai, aur sub usko.
dartay hain sub ussay se. kiun? shayad uske khauff se unko bhi khauff aata hai, ya shayad us ney bhi zindagi lapet li hai apni shakal per, aur un kahaniyon se kiun na kisi ko khauff aye ga?
eik behen ko uska bhai yaad ata hai aj. kandha, kandhay pe sar aur lambi si baatein, khawab, dar aur khushi. sawaal, undekhi rah, intizar. andha sukoon.
motiyon ki tarah piroti hai palkon per yeh rishtay, dhagon mein liptay khun ke natay, jaise phati patang ko koi malmal ke dupatton mein chupa deta hai; bus. eik yahee asasa.
tanhai mein koi nahee to tum ho. shayad isee leye woh tum mein bhi bandhi hui hai, tooti patangon ki tarah. eik yeh dhagay zindagi ke taar hain, tum mein piroey huey. bus, ek yahee asasa.
aur eik yeh kaali raat.
ek woh.
the fob comes out.
-eeda :)
No comments:
Post a Comment